**ماذا حدث في مسجد الحسين بالقاهره؟ **
ماذا حدث في مسجد الحسين بالقاهره؟
***************
تناقلت الاذاعات هذا الخبر الحقيقي منذ اقل من اسبوع
في مسجد الحسين بالقاهره
وحين انتهى الامام من صلاة العصر نادى بالناس
الصلاة على الميت جامعه يرحمنا ويرحمكم الله
وبينما يصطف الناس لاداء صلاة الجنازه
واذا بصوت من خلف المصلين ينادي
قفو ايها الناس ولا تصلو على هذا الميت!!؟
تهامس الناس مستنكرين
فقال بصوت عال :ان لهذا الميت دين علي بمبلغ 5000
جنيه ومات قبل ان يسددها لي لاهو ولا اولاده
تهامس المصلين مره اخرى مستنكرين جشع الرجل
ولكنه اصر على ان الصلاة لا تجوز ما لم يسدد ورثته الدين
ومن الجموع الاماميه صرخ شاب وقال
يا رجل استنى لنصلي على ابويه بعدين احنا حنديك اللي انت عوزو بس امهلنا ايام
ولكنه اصر على اخذ المبلغ حالا
فما كان من جمهور المصلين الا ان جمعوا المبلغ وتبرعوا به لابن الميت فاعطاه للرجل وصلوا جميعا على الجنازه
وحينما ذهب الناس
انتظر الامام اهل الميت لاخذه
ولكن لم يات احد لاخذه
بص يمين وشمال عن اولاده
مافيش حد
ساوره الشك
اتجه الى الميت وكشف الغطاء
فاذا بسجاده ملفوفه
ولا يوجد لا ميت ولا نيله !!!!!!؟
وشفطوا الفلوس
********
الى هذا الحد وصل بنا الحال ؟النصب باسم الدين
والنصب باسم الموت
والبقية تاتى !!!!!!!!!
**************
posted by همسة عتاب @ 8:28 AM
3 Comments
3 Comments:
هههههههههههههههههههههههههههههههههههههههههههههههههههههههههههههههههههههههه
حلوه والله دى نصبه محترمه
ده اكبر دليل على ان شعبنا مخه عبقرى ويجيب القرش من كرش السبع بس امتى نمد ايدنا فى كرش مبارك ونقوله عايزين حقوقنا
يا همسة عتاب الحكاية دى مش حقيقى انها حصلت من ايام فى الحسين وأرجو انك تراجعى مقال للمصطفى بكرى فى الاسبوع من سنتين عن الموضوع ده وبالحرف يعنى الخبر ده مش جديد ده أول هام وتانى هام الحكاية حكاها بكرى بنفس الصيغة فى مقاله المشار إليه واللى هاجيبلك اللنك بتاعته من الموقع بتاع الاسبوع برضه قال ان ده حصل من كام يوم وفى الحقيقة كان هو كمان مش صادق لأن الحكاية دى نفسها انا سمعتها فى برنامج قديم جدا عن النصب المبتكر وسردت فيه الحكاية وضحكت يوميها الكلام ده كان من اكتر من 15 سنه
المهم أنا عاجبانى الحركة اللميسة بنت الايه بغض النظر عن اللى انت قلته
الناس فى مصر بقت بتتحايل على أكل العيش عشان تعيش ومفيش مانع انهم ينصبوا على بعض إذا كانت الحكومة هارياهم نصب علنى، خلينا نضحك شويه من عمايل فهلاو فيلسوفنا العظيم الذى نباهى به سقراط وأرسطو وفولتير وفويرباخ ونيتشه وشوبنهاور وسارتر ودريدا وفوكو وهيدجر وماركس وهيجل وكونفوشيوس وتاو وكل ولاد الكلب دول اللى ملهمش فى شغل التلت ورقات اللى احنا بنموت فيه
هيييه دنيا
حلوه والله دى نصبه محترمه
Post a Comment
Subscribe to Post Comments [Atom]
<< Home