Wednesday, February 14, 2007

** وفاءا ليك وانت عايش يا عم احمد**

انهاردة حبيت يبقى البساط احمدى كدة واكلم معاكم بالعامية زى عمنا النجم/ احمد فؤاد نجم مابيتحفنا
بكلامه ,اصلنا بصراحة عندنا عادة كدة اننا مش بنعرف قيمة الشئ الا لما بيروح مننا
وعمنا احمد فؤاد نجم بصراحة جدير اننا نتكلم عنه ونديله حقه .
عم احمد فعلا رمز من رموز مصر لما بشوفه بشوف الاصالة وبشوف الشجاعة والكلمة الحرة الجريئة
يا ريت نتعلم منه ونعود نفسنا نتكلم ومنخفش انا لو عندى استطاعة اكتب كل كلامه كنت كتبته انما انا فى رمضان الى فات سمعت
تتر مسلسل "حضرة المتهم ابى " قولت الكلام ده فى ريحة وطعم شاعرنا الجميل وبالفعل وانا باتابع التتر علشان اشوف دى
كلمات مين ؟لاقيته كلام المبدع نجم
ربنا مايحرمنا من كلامك وابداعك ويديلك طولة العمر يا عمنا النجم
احمد فؤاد نجم
واستطاع المطرب الرائع مدحت صالح ان يعزف على اوتار مشاعرنا بصوته المعبر وحسه المرهف
ودلوقتى اسيبكم للاستمتاع بكلمات الاغنية وقولولى رايكم ايه ؟
************
نارل و أنا ماشي
ع الشوك برجلية
و إنت السبب ياأبا
يا للي خليت بية
لا فرشتلي بستان
و لا حتي بر أمان
أعيش عليه انسان
و الدنيا في ايدية
و أنا لما جيت م الغيب
العدل كان كيفي
و الحق كان مطمعي
و الحب كان سيفي
دقيت علي الأبواب
لقتني في السرداب
غابة من الأنياب
مسنونة حوالية
مع الأسف يا أبا
الدنيا دي غابة
ملناش مكان فيها
يا عيني يا وعدي
ع المغرمين بعدي
و الطيبين فيها. .
حقك على عيني
يا ابني يا نور عيني
لجل الوفا بديني
لك عندي بعض كلام
أنا كنت وحداني
و الدنيا وخداني
عايز ونيس تاني
يصاحبني في الأحلام
غريب و أنا في بلدي
جبتك تكون سندي
انصفني يا ولدي
اصبر علي الأيام
***************

0 Comments:

Post a Comment

Subscribe to Post Comments [Atom]

<< Home